في هذه المقال
لو عايز توصل لناس، وتخدمهم اكتر وافضل .. مهم تعرف الاول هما موجودين فين، بيعملوا ويحبوا ايه؟ ايه اكبر تحدياتهم ومشاكلهم؟ بيتفاعلوا مع ايه اكتر؟ وغيره كتير.. علشان كده حبيت اشاركك باحدث الاحصائيات التفصيلية لاستخدام الانترنت والوسائل الرقمية في مصر ٢٠٢٠، مع نسب الاستخدام والتفاعل ومتوسط التفاعلي على فيسبوك وانستجرام وغيره. اتمني تساعدك في الوصول لجمهورك وخدمتهم اكتر وافضل.
ملاحظات سريعة من تقرير يناير ٢٠٢٠
عن استخدام الوسائل الرقمية في مصر
- المصريين بيقضوا اكتر من ٧ ساعات يوميا اونلاين
- في مصر اكتر من ٥١ مليون بيستخدموا الانترنت من الموبايل
- اكتر من ٤٢ مليون مستخدم نشط للشبكات الاجتماعية
- مستخدمين الانترنت زادوا + ٢٢٪ عن السنة اللي فاتت
- من أعلي ١٠ كلمات بحث في مصر (صور، افلام، ترجمة، كورة ..) وتم البحث عن الزمالك اكتر من البحث عن الاهلي
- اجهزة الـ SMART HOME (اجهزة المنازل الذكية) بقت موجودة في اكتر من ٢٨٠ الف بيت في مصر، و ده زيادة عن السنة اللي قبلها بنسبة نمو ٨٦٪
- كل مستخدم انترنت عامل حوالي 9 حسابات على شبكات اجتماعية مختلفة.
- الناس اللي دخلوا انترنت في ديسمبر ٢٠١٩ فيهم ٩١٪ استخدموا فيسبوك، ٨٩٪ يوتيوب، ٧٩ واتس اب، … و ٢٤٪ استخدموا TikTok
- اكتر من ٨٧٪ من مستخدمين فيسبوك بيدخلوا من الموبايل وبس
- متوسط تفاعل المصري شهريًا مع بوستات صفحات فيسبوك حوالي ١٥ like & ١٠ comment & ٢ Share & ١٢ click على اعلان خلال الشهر
- متوسط الـ ORGANIC REACH حوالي 3.3% من الـ PAGE LIKES
- متوسط التفاعل مع بوستات الصفحات 2.39% (لكن نسب التفاعل مع الفيديو هي الاعلى بتوصل 5% & و مع الصور 4.5% ومع الروابط 1.4% & ومع الـ STATUS بنسبة 0.57%)
شاهد PowerPoint للتقرير التفصيلي – من المصدر
(المصدر: يعده we are social & Hootsuite سنويًا لاغلب دول العالم، ويتم مشاركته على موقع وحسابات DataReportal)
شاهد احصائيات باقي الدول العربية ٢٠٢٠ من هنا
لان معرفة المعلومات مش كفاية ..
كل ما تشوف احصائيات شبه كده .. حاول تقراها مرة واتنين وتلاته .. وتدور ولو على عمل واحد تقدر (تبدأه- توقفه – تطور مكانه او طريقته) في اقرب وقت، علشان تخدم الناس اللي بتحبهم اكتر وافضل.
